For å forstå kraftsystemet må ein sjå staden der den faktisk blir til. Suldal har vore vertskap for nokre av dei største utbyggingane i norsk energihistorie – Ulla-Førre og Røldal–Suldal Kraft. Her ligg og Kvilldal kraftverk, som er Noregs største, og Blåsjø, som Nord-Europas største vasskraftmagasin.

Suldal er difor ikkje berre ein produksjonsstad. Det er eit kryssingspunkt mellom natur, teknologi, marknad og politikk. Målet er meir innsikt og større forståing for kraftspørsmål. Vi ønskjer å samle kraftselskap, forskingsmiljø, kraftkommunar og politiske avgjerdstakarar for å drøfte korleis vasskrafta kan moderniserast og sikrast legitimitet i åra som kjem.